Lunar Calendar: ഫെബ്രുവരി 2020

മലയാളം ചന്ദ്രമാസ കലണ്ടര്‍ 1195

എം.എസ്. അഗസ്റ്റിന്‍

വെളുത്തവാവിനെയും കറുത്ത വാവിനെയും ആസ്പദമാക്കി തയ്യാറാക്കിയ മലയാളത്തിലെ ആദ്യത്തെ ചന്ദ്രമാസ കലണ്ടറാണിത്. 1194 കര്‍ക്കടകമാസത്തിലെ പൗര്‍ണ്ണമിമുതല്‍ 1195 കര്‍ക്കടകമാസത്തിലെ അമാവസിവരെയുള്ള കലണ്ടറാണ് ഇവിടെ കൊടുത്തിട്ടുണ്ട്.

എന്നാല്‍, മലയാളമാസത്തിനും ഇംഗ്ലീഷ് മാസത്തിനുമല്ല, ഈ കലണ്ടറില്‍ പ്രാധാന്യം നല്കിയിരിക്കുന്നത്. ചന്ദ്രന്റെ വൃദ്ധി ക്ഷയങ്ങളെയാണ് അടിസ്ഥാനമാക്കിയിരിക്കുന്നത്. ഓരോ ചന്ദ്രമാസവും തുടങ്ങുന്നത് പൗര്‍ണ്ണമിയിലും അവസാനിക്കുന്നത് അമാവാസിയിലുമാണ്.

ഒരു ചന്ദ്രമാസത്തില്‍ 2 പക്കങ്ങള്‍ അഥവാ പക്ഷങ്ങളാണുള്ളത്. പൗൎണമി കഴിഞ്ഞ് വരുന്ന ആദ്യദിവസം മുതല്‍ അമാവാസി വരെയുള്ള ദിവസങ്ങള്‍ ഉള്‍കൊള്ളുന്ന കാലങ്ങളെ കറുത്ത പക്കം അഥവാ കൃഷ്ണപക്ഷം എന്നു പറയുന്നു. അമാവാസി കഴിഞ്ഞ് ആദ്യദിവസം (പ്രഥമ) മുതല്‍ പൗൎണമി വരെയുള്ള ദിവസങ്ങളെ വെളുത്ത പക്കം അഥവാ ശുക്ലപക്ഷം എന്നും പറയുന്നു.

സാധാരണയായി പ്രഥമമുതല്‍ ചതുര്‍ദ്ദശിവരെയുള്ള 14 തിഥികള്‍ ഉള്‍ക്കൊള്ളുന്നതാണ് ഒരു പക്കം. എന്നാല്‍ ചില ദിവസങ്ങളില്‍ 2 തിഥികള്‍ ഒരേ ദിവസം വരാറുണ്ട്.

ഈ കലണ്ടറില്‍ ഓരോ ദിവസത്തിലും ഒരു കളം വീതം നല്കിയിട്ടുണ്ട്. മുകളില്‍ കാണിച്ചിരിക്കുന്നത് തിഥിയാണ് (ദിനം) , അതിനു താഴെ മദ്ധ്യത്തില്‍ നക്ഷത്രം (നാള്‍) കാണിച്ചിരിക്കുന്നു. അതിനും താഴെ; ഇടത് വശത്ത് മലയാള മാസതീയതി മലയാള അക്കത്തിലും ഹിന്ദു-അറബി അക്കത്തിലും നല്കിയിരിക്കുന്നു. വലത് നല്കിയിരിക്കുന്നത് ഇംഗ്ലീഷ് മാസ തീയതിയാണ്.

12 മലയാള മാസങ്ങള്‍